चिनियाँ राष्ट्रपतिको नेपाल भ्रमण रोकिनु दुर्भाग्यपूर्ण : सुजाता -
6:35 AM
Loading...
काठमाडौं, २४ भदौ । नेपाली कांग्रेसकी केन्द्रीय सदस्य सुजाता कोइरालाले चिनियाँ राष्ट्रपतिको नेपाल भ्रमण रोकिनु दुर्भाग्यपूर्ण भएको बताएकी छिन् ।
एमालेको युवा तथा खेलकुद विभागले शुक्रबार काठमाडौंमा आयोजना गरेको कार्यक्रममा बोल्दै नेतृ कोइराला यस्तो बताएकी हुन् ।
चीनका राष्ट्रपति नेपाल आउन खोज्दा पनि सरकार परिवर्तनका कारण आउन नदिइएको सुजाताले आरोप लगाईन् ।
‘सि जिनपिङको भ्रमण नहुञ्जेल ओली सरकार नढालौं भनेर मैले धेरै आग्रह गरेँ । हे प्रभू ओली सरकार नढाल भनेँ । सि जिनपिङको भ्रमणपछि ढालौं भन्दा पनि मानेनन् । आखिर जिनपिङ नआउने नै भए सुजाताले भनिन्।
सी जिनपिङ नेपाल आउँछु भन्दा पनि आउन नदिने, भ्रमणको वातावरण नबनाउने भनेको नेपाल सिद्धिने बाटो हो । यो हाम्रा लागि लाजमर्दो कुरा हो उनले भनिन् ।
0 comments