असोज ९ । जाजरकोटको जिल्ला कारागारमा क्षमताभन्दा चौगुना बढी कैदीबन्दी भएपछि ब्यबस्थापन गर्न समस्या भएको छ ।

दश जनाको क्षमता भएको कारागारमा ४४ जना कैदीबन्दी भएपछि ब्यबस्थापन गर्न समस्या भएको जेलर तेजविक्रम शाहले बताए ।

शाहका अनुसार हाल एकजना महिलासहित ३६ जना कैदी र सातजना थुनुवा गरी जम्मा ४४ जना कैदीबन्दी रहेका छन् ।

कारागारमा कैदीबन्दीको संख्या बढ्दै गएपछि उनीहरुलाई खान, बस्न र सुत्न समेत समस्या भएको हो ।

बाल सुधारगृह पनि नभएकाले विभिन्न समस्या उत्पन्न भएको बताउँदै जेलर शाहले यसका लागि सम्बन्धित निकायमा पटक पटक जानकारी गराए पनि कुनै सुनुवाइ नभएको बताए ।