Loading...

चार घन्टाको यात्रा पाँच मिनेटमा

12:24 AM

Loading...
म्याग्दी, २१ भदौ - म्याग्दी बेग-६ स्थित बेगगाउँमा बाढीले बस्तीसँगै गाविसकै ९ वडा जोड्ने पक्की मोटरेबल पुल र झोलुङ्गे पुल बगाएपछि घुमाउरो बाटोको प्रयोग गरी गन्तव्यमा पुग्ने गरेका यात्रुलाई सोमबारदेखि सहज भएको छ ।

ठाडोखोलाले बस्तीसहित कालीगण्डकी नदीको बहावलाई समेत रोकेपछि अलपत्र परेका यात्रुलाई सोमबार नेपाली सेना, प्रहरीसहित युवाको प्रयासमा अस्थायी साँघु बनाइएको छ । गत बिहीबार बस्ती पुर्ने गरी आएको बाढीका कारण उत्तरी म्याग्दी र मुस्ताङबाट आवतजावत गर्ने सर्वसाधारणले पोखरेबगर, हिस्तानको दोसल्ले, पहिरो र औल गाउँ हुँदै भगवती गाविसको बैँसरीसम्म चार घन्टा लगाएर कठिन यात्रा गर्नुपर्ने बाध्यता रहेको थियो ।

बाढीले बेनी–जोमसोम सडकसमेत अवरुद्ध बनाएपछि बेगको तिप्लाङ, दोवा, घार, शिख, भुरुङ तातोपानी, दाना गाविससहित मुस्ताङबाट आवतजावत गर्ने स्थानीय, पर्यटक, कर्मचारी समस्यामा परेका थिए । पशुचौपायासमेत आवतजावत गर्ने मार्गको प्रयोग बालबालिका, बिरामी र विदेशी पर्यटक दैनिक डेढ सयको हाराहारीमा प्रयोग गर्ने गरेका थिए । साँघु बनेपछि आवतजावत सहज भएको छ ।

सडकखण्डअन्तर्गत समेत ठाउँठाउँमा पहिरो खसेपछि बेनी–जोमसोम सडकमा यात्रा कष्टकर बनेको छ । सडक विभागले सडकमा खोलेको नयाँ ट्र्याकमा समेत पहिरो खसेपछि सर्वसाधारणले पहिरो र ढल्न लागेको अवस्थामा रहेका रूखको बीचबाट यात्रा गरिरहेका छन् । सडक अवरुद्ध भएपछि बाढी प्रभावितलाई राहत सामग्री पु¥याउनसमेत निकै समस्या भइरहेको छ । सडक अवरुद्ध भएपछि दैनिक उपभोग्य वस्तुसहित कृषि सामग्री ढुवानीमा समस्या भइरहेको छ । - See more at: http://dcnepal.com/news/news.php?nid=232922#sthash.rSvCuI0Z.dpuf

You Might Also Like

0 comments

loading...
http://www.terraclicks.com/watch?key=f267318fe73886271f465cad9dff0b71