५ बोरा अवैध जडीबुटी भारततर्फ लैजाँदै गर्दा १३ वर्षे बालकसहित ३ जना पक्राउ
8:51 PM
Loading...
बैतडी, २४ भदौ : प्रहरीले ५ बोरा अवैध जडीबुटीसहित तीन जनालाई पक्राउ गरेको छ।
जिल्ला प्रहरी कार्यालय बैतडीले दशरथचन्द नगरपालिका-१२ को सेराबाट बिहीबार बेलुका उनीहरुलाई पक्राउ गरेको हो।
पक्राउ पर्नेमा गिरेगडाका ३७ वर्षे उद्धवराम टमाटा, दशरथचन्द नगरपालिका-६ का १३ वर्षे डम्मर कोली र त्यही ठाउँका १४ वर्षे चरण कोली रहेको जिल्ला प्रहरी कार्यालय बैतडीका प्रहरी नायव उपरीक्षक बालनरसिंह राणाले जानकारी दिए।
उनीहरुले अवैध रुपमा भारत जडीबुटी निकासी गर्ने गरेको उनले बताए। सतुवा र कटुकी नामको जडीबुटीसहित उनीहरुलाई पक्राउ गरिएको हो। पक्राउ परेकाहरुमाथि थप अनुसन्धान भइरहेको जिल्ला प्रहरी कार्यालय बैतडीले जनाएको छ।
0 comments